په پکتیکا ولایت کې د 157500 امریکایې ډالرو په ارزښت د 15 پروژو چارې پرانیستل شوې
د پکتیکا ولایت په نکي ولسوالي کې د 15 پروژو رغنیزې چارې د یو سلو اوه پنځوس زره پنځه سوه (157500) امریکایې ډالرو په ارزښت د نکي ولسوالي ولسوال الحاج مولوي شرف الدین منیر، د ګومل سیندیزې فرعي حوزې استازي انجنیر بخته جان بختیار، د افغانستان لپاره د ناروي کمیټې(NAC) ولایتي مسئول انجنیر ظریف هلال او یو شمیر قومي مشرانو په شتون کې پرانیستل شوې چې پکې د کوچني ذخیروي بندونو، استنادي دېوالونو او د کانالونو پاک کاري شاملي دي.
د یادونې وړ ده، چې نوموړې پروژې د افغانستان لپاره د ناروي کمیټې(NAC) په مالي ملاتړ د ګومل سیندیزې فرعي حوزې تر څارنې لاندې ترسره کېږي چې ګڼ شمېر هېودوالو ته پکې د کار زمینه چمتو کېږي.
