په کابل ښار کې د اوبو د شته ستونزو د هوارولو په موخه د کابل ښاروالي له مسؤلینو سره ناسته ترسره شوه
د کابل سیندیزې حوزې عمومي رئيس محترم انجنیر حبیب الرحمن حقپال، د اوبو چارو د تنظیم عمومي رئيس محترم انجنیر نعمان نثار، د اوبو د سرچینو عمومي رئيس محترم انجنیر نثاراحمد مموزي او د ځمکې لاندې اوبو رئيس محترم انجنیر عزیز الرحمن عزیز د کابل ښاروالي د ټولنیزو او کلتوري چارو مرستیال محترم مولوي حبیب الرحمن منصور سره په کابل ښار کې د اوبو د شته ستونزو د هوارولو په موخه بحث او د اندونو تبادله ترسره کړه.
په دې ناسته کې، په کابل ښار کې د شنو ساحو د خړوبولو په موخه د ځمکې لاندې اوبو پر ځای د سطحي جریانونو او تصفیه شویو فاضلابو څخه ګټه اخیستنه، د اوبو په برخه کې د خپل سرو فعالیتونو منع کولو، عامه پوهاوي او یو شمېر نورو موضوعاتو په هکله اړین تصمیمونه ونیول شول او د اوبو څخه د اغیزمنې ګټې اخیستنې او په کابل ښار کې د اوبو شته ستونزو د هوارولو په موخه پر ګډې همکاري باندې ټینګار وشو.
