په کندز ولایت کې د زابور ارباب قول کانال د پاکاري او کېندنې پروژه د نږدې دریو میلیونو افغانیو په ارزښت ګټې اخیستنې ته وسپارل شوه
د کندز ولایت په امام صاحب ولسوالي کې د زابور ارباب قول کانال د پاکاري او کېندنې پروژه د نږدې دریو میلیونو افغانیو په ارزښت د پنج آمو سیندیزې عمومي حوزې رئیس ښاغلي انجنیر رفیع الله مجتبی او یو شمېر نورو مسؤلینو په شتون کې ګټې اخیستنې ته وسپارل شوه.
په یاده پروژه کې، 3.5کیلو متره د کانال پاکاري او 1.5 کیلومتره کېندنه شامله ده چې د ځایي خلکو په مالي ملاتړ د پنج آمو سیندیزې عمومي حوزې تر څارنې لاندې پلې شوې ده.
