په کنړ ولایت کې د لودم کانال چارې ۸۰ سلنه پرمخ تللي دي
د کنړ سیندیزې فرعي حوزې تخنیکي ټیم د یاد ولایت په وټه پور ولسوالي کې د لودم کانال د چارو له بهیر څخه څارنه وکړه او مسؤلینو ته یې د چارو د غوره پرمخ وړلو په پار لازمې لارښوونې وکړې.
د یاد کانال چارې چې د خوړو نړیوال سازمان په مالي ملاتړ د کنړ سیندیزې فرعي حوزې تر څارنې لاندې پرمخ وړل کېږي، ۸۰ سلنه پرمخ تللې دي او پکې ګڼو کسانو ته د کار زمینه برابره شوې ده.
د یادې پروژې د چارو په بشپړیدو سره به د نوموړي سیمې د خلکو د اوبو د کموالي ستونزه هواره شي.
