پکتیکا ولایت کې د یوه سربند او محافظتي دېوال د جوړېدو پروژې چارې د څه باندې دوه نیم میلیونه افغانیو په لګښت پیل شوې
د پکتیکا ولایت د ارګون ولسوالي د پیر کوتي کلي د بي بي کوټ سربند او محافظتي دېوال د جوړېدو پروژې چارې د ۲ میلیونه، ۶۶۰ زره او ۹۷۸ افغانیو په لګښت د پکتیکا ولایت د اوبو او انرژي ریاست د مسؤلینو او یو شمېر قومي مشرانو په شتون کې پيل شوې.
نوموړی سربند ۲۶ متره اوږدوالی لري، چې د هرې خوا دېوال اوږدوالی یې ۴۵ متره او د ځمکې له سطحي څخه د دېوال لوړوالی یې 2.5 متره ده.
د دغې پروژې چارې د یو. این. ډي. پي موسسې په مالي لګښت د پکتیکا ولایت د اوبو او انرژي ریاست تر څارنې لاندې پرمخ وړل کېږي او چارې به یې د دوو میاشتو په موده کې بشپړې او د چارو په بشپړېدو سره به ۴۵ هکتاره ځمکه خړوبه شي.
