کندز ولایت کې د یوه کانال د بیارغونې چارې د ۹ میلیونه افغانیو په لګښت پرانیستل شوي
د کندز ولایت علي آباد ولسوالي په لاله سیمه کې د یوه کانال د بیارغونې چارې د ۹ میلیونه افغانیو په لګښت د پنج آمو سیندیزې حوزې عمومي رئيس ښاغلي انجنیر رفیع الله مجتبی، د UNDP موسسې د د فتر د مسؤل او د کندز ولایت د یو شمېر نورو محلي مسؤلینو په شتون کې پرانیستل شوي.
یاد کانال د ۲۷ کیلو متره اوږدوالي په درلودلو سره د ۵۰۰۰ جریبه ځمکې د خړوبولو وړیتا لري او شاوخوا ۳۰۰۰ کورنۍ به ورڅخه برخمنې شي.
د دې کانال د بیارغونې چارې د پنج آمو سیندیزې حوزې په همغږي د UNDP موسسې په مالي ملاتړ د سويډن کمیټې له خوا پلي کېږي.
