کندهار ولایت کي د توري کاریز د کانال جوړولو او پاکاري چارې د څه باندې یو میلیون افغانیو په لګښت پیل شوې
د کندهار ولایت د سپین بولدک ولسوالي په ملا ولي کلي کې د توري کاریز د کانال جوړولو او پاکاري چارې د ۱ میلیون، ۱۳۸زره او ۷۶ افغانیو په لګښت پیل شوې.
په دغه پروژه کې د نوموړي کاریز د کانال ۱۹۰ متره سنګ کاري او ۱۰۰ متره پاکاري شامله ده، چې چارې به یې د دوو میاشتو په موده کې بشپړې او ګټې اخیستنې ته وسپارل شي.
د نوموړې پروژې د چارو په بشپړېدو سره به د سیلابونو د ویجاړیو د مخنیوي ترڅنګ د اوبو ضایعات کم او د سیمې د خلکو ستونزې هم هوارې شي.
د دغې پروژې چارې د ملګرو ملتونو د پراختیایي دفتر په مالي لګښت د کندهار د اوبو او انرژي ریاست تر څارنې لاندې پرمخ وړل کېږي.
