کنړ ولایت کې د دوو استنادي دېوالونو د جوړولو چارې د نږدې یوولس میلیونه افغانیو په لګښت ډېر ژر پيلېږي

د کنړ ولایت د ناړۍ او غازي آباد ولسواليو اړوند د شامادم او حکیم آباد سیمو کې د دوو استنادي دېوالونو چارې د ۱۰ میلیونه، ۶سوه ۵۲ زره ۸سوه او ۳۶ افغانیو په لګښت ډېر ژر پیلیږي.
نوموړي استنادي دېوالونه ۳۰۰ متره اوږدوالی لري، چې چارې د کنړ ولایت د اوبو او انرژي ریاست تر څارنې لاندې پرمخ وړل کېږی.
د دغو استنادي دېوالونو سیمې قراردادي شرکتونو ته وسپارل شوې او ډير ژر به یې عملي چارې پیل شي.