د هلمند ولایت په لښکرګاه ښار کې د ۲۰ تحقیقاتي څاګانو کیندلو پروژه بشپړه او ګټې اخیستنې ته وسپارل شوه.
د تحقیقاتي او څېړنیزو څاګانو کیندلو او سروې پروژو پلي کولو په لړۍ کې د اوبو د چارو د تنظیم ملي ادارې لخوا د هېواد په ښارونو کې تازه د هلمند ولایت د لښکرګاه ښار کې د ۲۰ تحقیاتي او څېړنیزو څاګانو کیندلو او جیوفزیکي سروې پروژه بشپړه او ګټې اخیستنې ته وسپارل شوه. دغه پروژه د اوبو د چارو د تنظیم ملي ادارې لخوا او د نړیوال بانک په مالي لګښت د ځمکې لاندې اوبو څېړلو په موخه هلته پلي شوه. د دغې پروژې پلي کولو سره د لښکرګاه ښار د ځمکې لاندې اوبو وضعیت په کمي او کیفي او په بهترینه توګه مطالعه شو او د ځمکې لاندې اوبو اندازه په دقیقه توګه معلومه شوه.