د تخار ولایت د خلکو استازو سره لیدنه
د اوبو د چارو د تنظیم ملي ادارې عمومي رئيس او د انرژي خدماتو ادارې سرپرست، ښاغلي انجینر خان محمد تکل په ولسي جرګه کې د تخار ولایت استازو سره وکتل.
په دغه لیدنه کې د اوبو د چارو د تنظیم ملي ادارې په پراختیايی پروژو او په ځانګړي ډول د امو د سیند د غاړو د تحکیماتو د پروژو په اړه خبرې وکری.
ښاغلي تکل په تخار ولایت کې د اوبو د غوره مديريت په موخه د دغه ادارې د پراختيايی پروژو د پلي کولو په برخه کې د ياد ولایت استازو ته ډاډ ورکړ.
