د اوبو چارو د تنظیم ملي ادارې، د ملي امنیت اقتصادي شورا ریاست او CHINA STATE کمپنۍ تر مینځ د همکارۍ جلسه ترسره شوه.
د اوبو چارو د تنظیم ملي ادارې، د ملي امنیت اقتصادي شورا ریاست او CHINA STATE کمپنۍ تر مینځ د همکارۍ جلسه ترسره شوه.
دا جلسه د اوبو چارو د تنظیم ملي ادارې تخنیکي معاون ښاغلي احمد ویس بصیري او د دې ادارې تخنیکي همکارانو، د ملي امنیت شورا اقتصادي رئیس، په دوبۍ کې د افغانستان شارژدافیر او CHINA STATE ودانیزې کمپنۍ استازي په ګډون په انلاین بڼه په افغانستان کې د اوبو مدیریت او د انرژي تولید لویو پروژو کې د تخنیکی او مالي تجربو شریکولو په موخه ترسره شوه.
لومړی د یادې کمپنۍ مسؤلینو د خپل شرکت تجربي او فعالیتونه تشریح او په افغانستان کې د پانګه اچونې لپاره خپله اماده ګي اعلان کړه.
ورپسې د ملي امنیت شورای اقتصادي برخې رئیس په افغانستان کې د پانګوالو په ځانګړي توګه د پانګه اچوونکو کمپنیو د امنیت په اړه له خپله اړخه د امنیتي ستونزو حل په برخه کې ډاډ ورکړه.
همدا شان د اوبو چارو د تنظیم ملي ادارې تخنیکي معاون د نړۍ مشهورو کمپنیو سره د دې هیواد له موډلونو یادونه وکړه، او د دې ادراې تخنیکي مسؤلینو ته یې لارښوونه وکړه ترڅو د CHINA STATE کمپنۍ سره تخنیکي اسناد شریک کړي.
ښاغلي بصیري له موجوده فرصتونو او ظرفیتونو څخه د غوره استفادې په موخه د یادو ادارو ترمنځ د لازیاتو همغږیو رامنځته کیدو په اړه ټینګار وکړ.
د اوبو چارو د تنظیم ملي اداره
