د شاه و عروس بند د استملاک ستونزې د حل په موخه د همغږۍ ناسته تر سره شوه.
د شاه و عروس بند د استملاک ستونزې د حل په موخه د همغږۍ ناسته تر سره شوه.
د جمهوري ریاست عالي مقام د چارو په اداره کې د کابل د شاه و عروس بند د استملاک ستونزو د حل په موخه د همغږۍ جلسه چې د دغې ادارې مرستیال ښاغلي ډاکټر عبدالکریم توتاخېل، د اوبو چارو د تنظیم ملي ادارې لوی رئيس ښاغلي انجنبر خان محمد تکل، د مالې وزارت مالي مرستیال عبدالحبیب ځدران، د کابل والي محمد یعقوب حیدري او د ښار جوړولو او ځمکو وزارت استازو ګډون کړی وو تر سره شوه.
په دغه ناسته کې د اوبو چارو د تنظیم ملي ادارې لوی رئيس ښاغلي تکل ګډونوالو ته د دغه بند د چارو پرمختګ په اړه وویل" د شاه و عروس بند ساختماني چارې بشپړې شوي؛ د استملاک موضوعات تر ډيره بریده پر مخ تللي؛ زیانمنو کورنیو ته په بدیل کې زراعتي ځمکې او رهایشي نمرې وېشل شوي؛ يواځنۍ ستونزه چې د بند د ګټې اخیستنې مخه یې نیولې د زیانمنو ته د نغدي مرستو وېشل دي..."
په ناسته کې پرېکړه شوه چې ژر تر ژره دې د شاه و عروس بند زیانمنو بانکي حسابونو ته هغوئ ته د اوښتي زیان پېسې واستول شي او خلکو ته قناعت ورکول شي چې د بند د کاسې تخلیې او پاکولو ته اجازه ورکړي تر څو د بند کاسه پاکه د اوبو ذخیره کول پيل او بند عملا ګټې اخیستنې ته وسپارل شي.
د اوبو چارو د تنظیم ملي اداره
