د نهر لشکري کانال د پاکولو کار عملاً افتتاح شو
د افغانستان اسلامي امارت د مشرتابه د حکم سره سم د نیمروز ولایت د نهر لشکري کانال د پاکولو کار د اوبو او انرژي وزارت د اوبو معین محترم انجنیر مجیب الرحمن عمر لخوا رسماً او عملاً افتتاح شو، په دې مراسمو کې د نیمروز ولایت رسمي مسؤلین او ګڼ شمېر قومي مشرانو ګډون درلود، د نیمروز ولایت قومي مشرانو له افغانستان اسلامي امارت د مسؤلینو له دغه مثبت اقدام هرکلی او ستاینه وکړه او په دې اړه يې له خپل لوري د هر ډول همکارۍ ډاډ څرګند کړ.
