د هرات هریرود پائیني فرعي سیندیزې حوزې مشورتي ناسته
د هرات هریرود پائیني فرعي سیندیزې حوزې مشورتي ناسته د هریرود پائیني فرعي سیندیزې حوزې رئیس ښاغلي مولوی سردارولی مزمل تررهبرۍ لاندې په داسې حال کې چې د هریرود مرغاب عمومي سیندیزې حوزې رئیس ښاغلي مولوی عبدالسلام مستوفي آغا ، د حوزو د اوبو تنظیم امرینو او د هریرود بالا دست مسیر ۵ ولسوالیو (چشت شریف،اوبه، پشتون زرغون، گذره و انجیل) استازوګډون درلود د هریرود اوبو د عادلانه توزیع په موخه د مخکي ناستو په دوام نن دوشنبه ۰۳/۰۹/۱۴۴۳ د سیندیزې حوزې د کنفرانسونو په صالون کې ترسره شوه.
په یاده ناسته کې وروسته د بحث او مختلفو نظرونو له تبادلې څخه فیصله وشوه د ټولو ولسوالیو (چشت شریف،اوبه، پشتون زرغون، گذره و انجیل) کانالونو سربندونه د ۵ شپو په اندازه د ۰۵/۰۹/۱۴۴۳ نیټې د مازیګر له ۴ بجو بند شي او اوبه د ۳ لاندې ولسوالیو (زنده جان، غوریان و کهسان) د کروندو غوره خړوبولو په موخه وکارول شي، همدا شان فیصله وشوه چې د لاندې دریو ولسوالیو له استازو سره ناسته د سه شنبې ورځ ۱۴۴۳/۰۹/۰۴ نیټه او همدا شان د شنبې ورځ ۱۴۴۳/۰۹/۰۸ نیټه د ۸ ولسوالیو له استازو سره د سلما بند د اوبو په اړه تصمیم ونیول شي
ناسته ۱۲ بجې مخکې له غرمې د دوعایه کلماتو په لوستلو سره ختمه شوه
