د هریرود مرغاب سیندیزې حوزې عمومي رئیس د پاشدان بند څځه لیدنه وکړه
د هریردو مرغاب سیندیزې حوزې عمومي رئيس ښاغلي ملا سید عبدالسلام مستوفي آغا، د لاندنې هریرود فرعي سیندیزې حوزې رئيس ښاغلي مولوي سردار ولي مزمل او ور سره مل د یاد ریاست تخنیکي ټیم د پاشدان بند له ساحې څخه لیدنه وکړه.
د دې لیدنې څخه د پاشدان بند په ساحه کې د وروستیو سیلابونو وروسته د یاد بند د ودانیو د کلي وضعیت بررسي وه او د بند ټولې ساحې لکه د کښته لاس کانالونه، پرچاو، د بند بدنه، د آبګیر و دانۍ او پاورهاوس بررسي شو.
د ترسره شوې بررسي پام کې نیولو سره، په ځینو ځایونو کې کانالونه او نیمه کاره ودانۍ ویجاړې شوې او د دغو ودانیو د لازیاتې ویجاړیدو د مخنیوي په موخه د قراردادي شرکت له خوا په سیمه کې بیړنیو اقداماتو ته اړتیاده.
د دې لیدنې په پای کې، د هریرود مرغاب سیندیزې حوزې عمومي رئيس د هیوادوال ودانیز شرکت او امنیتي مسؤلینو ته د پاشدان بند اړوند ودانیو او ساحو د ساتنې او پالنې په موخه لازم هدایات ورکړل.
