د کمال خان بند پروژې د چارو د چټکتیا په موخه د قراردادي شرکت له استازي او د وزارت د تخنیکي مسؤلینو ترمنځ د همغږي ناسته ترسره شوه
د اوبو او انرژي وزارت د اوبو معین ښاغلي انجنیر مجیب الرحمن عمر آخندزارده د یوې غونډې په ترڅ کې د کمال خان بند پرژوې د قراردادي شرکت له استازي او د وزارت د تخنیکي مسؤلینو سره د کمال خان بند پروژې د پاتې چارو د چټکتیا او ښه والي په هکله خبرې اترې وکړي.
په یاده غونډه کې، د قراردادي شرکت استازي د اوبو او انرژي وزارت د رهبري محترم مقام ته ډاډ ورکړ چي د کمال خان بند پروژې د پاتې چارو د بشپړولو لپاره به د خپلو ټولو شونو هڅو څخه کار واخلي.
همدارنګه د اوبو ښاغلي معین، هم قراردادي شرکت ته د رهبري مقام له خوا د همکاري ډاډ ورکړ او د یاد شرکت استازي او تخنيکي مسئولینو ته یې د اړتیا وړ لارښوونې وکړې.
