بلخ ولایت کې د آمو سیند د څنډو په بېړنۍ پروژه کې د ۲۴ ډکو د جوړولو چارې بشپړې شوې
د آمو سیند د څنډو د تحکیماتو رئيس محترم مولوي سید غلام مشواڼي او ورسره مل ټیم د بلخ ولایت د شورتیپې ولسوالي په بشیرلي کلي کې د آمو سیند د څنډو د تحکیماتو په بېړنۍ پروژه کې د ۲۴ډکو د جوړولو د چارو څخه څارنه وکړه.
د نوموړو ډکو د جوړولو چارې بشپړې شوې، چې په پایله کې کابو ۲۰۰ هکتاره کرنیزه ځمکه، استوګنیز کورونه او جوماتونه د آمو سیند له ویجاړیو څخه خوندي شوي دي.
همدارنګه د آمو سیند د تحکیماتو د څنډو رئيس د حیرتان سیمه ییز دفتر د تحکیماتو د آمریت له کارمندانو سره وکتل او هغوی ته یې سپارښتنه وکړه، چې خپل صورت او سیرت د پیغمبر(ص) له سنت سره سم برابر کړي.
