تخار ولایت کې د پنج آمو سیند د څنډو د تحکیماتو د دوهمې برخې(لاټ) پروژې چارې ۷۲ سلنه پرمخ تللې دي
د تخار ولایت د ینګي قلعې ولسوالي په یتیم تپه کلي کې د پنج آمو سیند د څنډو د تحکیماتو د دوهمې برخې پروژې چارې ۷۲ سلنه پرمخ تللې دي.
نوموړې پروژه د اوبو او انرژي وزارت له لوري یوه کورني شرکت ته د اته دېرش میلیونه، څلور سوه شپېته زره او دوه سوه اویا (۳۸،۴۶۰،۲۷۰) افغانیو په ارزښت په قرارداد ورکړل شوی، چې د چارو په بشپړېدو سره به یې ګڼ شمېر استوګنیزکورونه او بڼونه د پنج آمو سیند له ویجاړیو څخه خوندي شي او همدارنګه به سلګونه جریبه ځمکه د کرهڼې لپاره چمتو شي.
