خوست ولایت کې د دوو پروژو چارې ۹۲ او ۳۵ سلنه پرمخ تللې دي
د خوست ولایت د اوبو او انرژي رئيس محترم مولوي عبدالقیوم ثابت او ورسره مل تخنیکي ټیم د خوست ولایت د اسماعیل خېلو مندوزیو او ګربزو ولسوالیو کې د آرخېلو کچاخېلو کانال پروژې او د لیژې کوچني ذخیروي بند د چارو له بهیر څخه څارنه وکړه او اړوند مسؤلینو ته یې د چارو د غوره پرمخ وړلو په موخه اړینې لارښوونې وکړې.
د نوموړو پروژو چارې چې د اف.اي. او موسسې په مالي لګښت د خوست ولایت د وابو او انرژي ریاست تر څارنې لاندې پرمخ وړل کېږي په ترتیب سره ۹۲ او ۳۵ سلنه پرمخ تللې دي.
همدارنګه، د نوموړې ریاست رئيس د اف. اي. او موسسې له مسؤل محترم انجنیر محمد دراز آرمان سره وکتل او په خوست ولایت کې یې د استنادي دېوالونو پروژو د پلي کولو په هکله بحث او د اندونو تبادله وکړه.
