داوبو او انرژۍ وزارت معین ښاغلی انجنیر خان محمد تکل د دغه وزارت د یو شمیر متخصیصینو سره د پروان او کاپیسا ولایتونو ته د اوبو د وضعې د بررسی کولو لپاره دغه ولایتونو ته سفر وکړ.
د اوبو او انرژۍ وزارت معین لومړی د پروان له محترم والﻱ فضل الدین اعیار سره ولیدل، دپروان والﻱ محترم معین او ورسره تللﻱ پلاوﻱ ته د ښه راغلاست ترڅنګ د دغه وزارت د پروژو دفعالیتونو څخه مننه وکړه او د سولر پمپ د لنډ مهالو پروژو په تطبیق ﻱې تینگار وکړ.
ښاغلﻱ معین په همدې اړه دپروان دسیند فرعﻱ حوزې رییس ته لارښوونه وکړه ،ترڅو دسولر پمپ پروژې لومرۍ مرحله پیل او د دغه پروژې طرحه جوړه کړﻱ .
ښاغلﻱ معین همدارنگه زیاته کړه داوبو او انرژۍ وزارت دکابینې د هغې پریکړې په اساس چې دکانالونو پرځای دپیپونو طرحه جوړه کړي اوپه نږدې راتلونکې کې داراضې عالي شورا او محیط زیست ته وسپاري .وروسته د دغه وزارت متخصیصینو دپروان ولایت محترم والی څخه وغوښتل چې په یاد ولایت کې دغه وزارت سره دپروژو په پلي کولو کې مرسته وکړي چې والي په اړه دمرستی ژمنه وکړه او داوبو او انرژۍ وزارت تللي پلاوي ددغه غونډې په څنگ کې د دغه ولایت د اوبو دتاسیساتو چې، دواتر پمپ دستگاوې، کانالونه او سربندونه پکې شامل وو لیدنه وکړه .وروسته داوبو او انرژۍ وزارت پلاوی کاپیسا ولایت ته سفر وکړ.
اودکاپیسا دمحترم والی عبدالطیف مراد سره يې ولیدل ،محترم والی داوبو اوانرژی وزارت ا ورسره تللې پلاوي ته دښه راغلاست ترڅنگ ددغه وزارت دڅلورو تکمیل شویو پروژو چې څلور سیندونه پکې شامل دي اشاره وکړه.اودصیاد سیند دتحکیم کارۍ غوښتنه يې وکړه، په همدې حال کې داوبو او انرژۍ وزارت معین ښاغلي خان محمد تکل دکاپیسا اویو شمیر نورو ولایتونو دعملي شویو پروژو یادونه وکړه او ويې ویل داوبو او انرژۍ وزارت دی ته ژمن دی ترڅو دافغانستان په هره برخه کې انکشافی پروژې پلی کړي
