دسلما بند د اوبو د تنظیم کمېسیون د هرات ولایت د والي ښاغلي شیخ الحدیث مولانا نوراحمد اسلام جار تر مشري لاندي ناسته ترسره کړه.
په دغه ناسته کې، چې د لویدیځې حوزې د اوبو عمومي رئيس ښاغلي ملا عبدالسلام مستوفي آغا ، د هریرود مرغاب سیندیزې حوزې رئیس او د سلما بند د اوبو څخه د اته ګونو ګټه اخیستونکو په ګډون سره جوړه شوې وه، د سلما بند څخه د پورته لاس او کښته لاس د ټولنې او د سیمي خلکو شکایت او د هغوی حقابه یې تر څېړنې لاندي ونیول.
د هرات والي د هغو ولسوالیو خلکو پر یوالی باندې چې د سلما بند د اوبو څخه ګټه اخلي ټینګار و کړ او ویې ویل، بزګران باید د خپلو حقابې په اندازې سره اوبه مصرف کړې، ترڅو په عادلانه ډول ټولو بزګرانو ته اوبه و رسیږي.
د ناستې په پای کې د هرات د والي ښاغلي شیخ الحدیث مولانا نوراحمد اسلام جار د هدایت په اساس پرېکړه و شوه چې د اوبې، چشت شریف او پشتون زرغون ولسوالیو د تخنیکي ټیم د بررسي وروسته، خپل سربندونه او کانالونه دې د دوو ورځو په موده کې و تړي، ترڅو اوبه د کښته لاس ولسوالیو ته و رسیږې.
والی هرات در بیانات اش گفت: "که در قسمت تقسیم آب دریا و استفاده از آن مردم ولسوالیها باید سخاوتمندانه و عادلانه تصمیم بگیرند."
د هرات والي په خپلو خبرو کې وویل: "د ولسوالیو خلک د سیند د اوبو او د وېش څخه د ګټي اخیستنې په برخه کې باید سخاوتمندانه او عادلانه تصمیم ونیسي".
همدارنګه د ولایت مقام د اړونده ادارو له لوري هغه څه چې پرېکړه شوې څاري او پلي کوي او همدارنګه د پورته لاس او کښته لاس ولسوالیو له استازو څخه یو ټیم جوړ شو، ترڅو کانالونه و څاري او اړوندو ادارو ته راپور ور کړي.
