د آمو سیند څنډو د ټینګښت رئيس د بدخشان له والي سره وکتل
د آمو سیند څنډو د ټینګښت رئيس محترم مولوي وکیل احمد نقي او ورسره مل د دغه ریاست تخنیکي سلاکار بدخشان ولایت ته سفر وکړ او د دغه ولایت له والي محترم مولوي محمد ایوب خالد سره یې وکتل.
په دغه لیدنه کې، ښاغلي نقي د دغه ریاست د مسؤلیتونو او راتلونکو پلانونو په هکله اړین معلومات د بدخشان له والي سره شریک کړل.
همدارنګه، د آمو سیند څنډو د ټینګښت رئيس د بدخشان ولایت په اشکاشم ولسوالي کې مېشت د دغه ریاست اړوند سیمه ایز آمریت له مسؤلینو سره وکتل او هغوی ته یې د چارو د پرمخ وړلو په موخه اړینې لارښوونې وکړې.
په ورته مهال، د نوموړي آمریت مسؤلینو خپلې ستونزې او وړاندیزونه له ښاغلي نقي سره شریک کړل او ورته د رسیدګي غوښتنه یې وکړه.
همدغه راز، ښاغلي نقي د نوموړي سیمه ایز آمریت له مسؤلینو سره د هغوی ستونزو او وړاندیزونو ته د رسیدګي په موخه ژمنه وکړه.
د آمو سیند څنډو د ټینګښت رئيس په خپل دغه سفر کې د اشکاشم له ولسوال او امنیه قوماندان سره په چارو کې د ښې همغږۍ د رامنځته کولو په موخه هم وکتل.
