د اسکان لپاره د اوبو د چارو د تنظیم ملي ادارې او د ښاغلي اغا خان مؤسسې تر منځ ګډه ناسته وشوه
د اسکان د همکارۍ او همغږۍ په موخه د اوبو د چارو د تنظیم ملي ادارې او د ښاغلي اغا خان مؤسسې تر منځ ګډه ناسته د اوبو د چارو د تنظیم ملي ادارې د تخنیکي مرستیال، ښاغلي انجینر احمد ویس بصیري په مشرۍ چې د اغا خان مؤسسې د بېړنیو حالاتو او پېښو شبکې رئيس، او د یادې ادارې ریسانو، مشاورینو ګډون درلود تر سره شوه.
د اوبو دپروژو د مدیریت د پلي کولو په برخه کې همغږي، د 700 قریو ارقام شریک کول چې له وړاندې د اغا خان مؤسسې لخوا پلي شوي دي؛ د دواړو ادارو له لوري د اوبو د مدیریت په برخه کې د(MOU) هوکړلیک تیارول، د سیلابونو مدیریت، د تخنیکي خدماتو وړاندې کول، د ظرفیت لوړونې برنامې، د یخچالونو مدیریت، د څارنې او خبرتیا سيسټمونه، د ابریزونو مدیریت د دغه ناستې مهمه موخه وه.
په اخر کې دواړو لورو، د دواړو ادارو تر منځ د ګډې همکارۍ او همغږۍ د هوکړلیک په لاسلیک کولو ټینګار وکړ.
