د افغانستان برښنا شرکت د رهبري پلاوي ناسته ترسره شوه
د افغانستان برېښنا شرکت د رهبري پلاوي ناسته د اوبو او انرژي وزارت د سرپرست وزیر ښاغلي ملا عبداللطیف منصور تر رهبري لاندې د وزارت د انرژي معین ښاغلي مولوي عارف الله عارف، د انرژي سکتور یو شمیر رئیسانو او د افغانستان برېښنا شرکت د سوداګرۍ رئیس ښاغلي مولوي عبدالرحمن رحماني او د یاد شرکت یو شمېر رئیسانو په ګډون ترسره شوه.
په دغه ناسته کې، د افغانستان برېښنا شرکت د ۱۴۰۱ کال مالي پلان، په هیواد کې د برېښنا شبکو پراخوالي او د عوایدو د راټولو پرڅرنګوالي باندې بحث او د نظر تبادله وشوه.
د اوبو او انرژي وزارت سرپرست وزیر په دغه ناسته کې د افغانستان برښنا شرکت د ۱۴۰۱ مالي کال د غوره جوړولو،د عوایدو د راټولو پر څرنګوالي او په هیواد کې د برېښنا شبکو د پراخوالي په هکله لازم هدایات ورکړل.
