د اقلیم د شنه بکس جوړول یو عاجله اړتیا ده.
دا موضوع د اوبو او انرژِۍ وزارت سرپرست ښاغلی انجنیر محمد ګل خُلمی لخوا په هغه ورکشاپ کی چې د چاپیریال ساتنې د ملی اداره لخوا د اقلیم د شنه بکس د جوړولو په موخه د سرینا په هوټل کې جور شوی وو د چاپیریال ساتنې ملي اداره عمومي رییس ښاغلی شاه زمان میوندي، د ولسمشر ستر سلاکار ښاغلی محمد یوسف پشتون، د ترانسپورت وزارت سرپرست ښاغلی یما یاری او د مدني ټولنې غړو په حضور بیان کړل.
د اوبو او انرژِۍ وزارت سرپرست ښاغلی انجنیر محمد ګل خُلمی د اقلیم د بدلون په برخه کې د اوبو او انرژۍ وزارت د رول په اړه خبرې وکړې، وویل: د اوبو او انرژۍ وزارت یوه لویه موخه د دې سترې ننګونې سره مبارزه ده او د چاپیریال او د اقلیم د بدلون د پایلو اداره کول یوه لویه ننګونه، نه یوازې زموږ لپاره بلکې د راتلونکي نسلونو لپاره هم دی.
ښاغلی خُلمی د خپلو خبرو په وروستی برخه کې وویل: د اوبو او انرژۍ وزارت د دې موخو د تعقیب او د مسؤلیتونو په پوره کولو کې په ټوله لیوالتیا سره، هڅه کوي چې د دې ننګونې لپاره د حل لاره ومومئ ښاغلي خُلمی د اقلیم د شنه بکس جوړول اړینه وبلله او د هر ارخیزی همکاری ژمنه یی وکړه.