د انرژي د پروژو د کیفیت د کنټرول نوی رئيس همکارانو ته ور وپېژندل شو
محترم مولوي ضیاالرحمن آخندزاده چې د اوبو او انرژي وزارت د رهبري مقام د لزوم دید او د افغانستان د اسلامي امارت د ریاست الوزرا محترم مقام د حکم پر بنسټ د انرژي د پروژ کیفیت د کنټرول د رئيس په توګه ټاکل شوی دی د دغه وزارت د دفتر د عمومي رئیس محترم قاري محمد عبدالعزیز عزیز له لوري همکارانو ته ور وپېژندل شو.
د دفتر عمومي رئيس د نوي رئيس د ورپېژندلو پر مهال په ادارو کې ادلون، بدلون یو اصل وګاڼه او د انرژي په سکتور کې د کار ارزښت ته په اشارې سره له ټولو رئیسانو څخه وغوښتل چې د خپلو د ندو په ترسره کولو کې په بشپړ رښتینولي سره هڅې وکړي.
د یادونې وړ ده، چې محترم مولوي ضیاالرحمن آخندزاده د دیني علومو زده کړې د پشاور د اکوړه خټک په حقانیه دارالعلوم کې تر لاسه کړې او د ماستري دوره یې په پشاور پوهنتون کې د اسلامي علومو په برخه کې ترسره کړې او په اسلامي امارت کې د خدمت اوږده تجربه لري.
