د انرژي زونونو د آمرینو د وړتیا لوړونې ښوونیز سمینار برنامه پای ته ورسیده
یاد سمینار د انرژي زونونو د آمرینو لپاره د وزارت له خوا د نوي پېرل شویو تخنیکي وسایلو سره د پېژندنې په موخه په لاره اچول شوی وو.
د دې دریو ورځو په بهیر کې له تخنیکي وسایلو څخه د استفادې په اړه د اړینو او بنسټیزو مسایلو، د پروژو کره سروې او په ولایتونو کې د انرژي د پروژو د پلي کولو په برخه کې د تخنیکي فعالیتونو په هکله اړینې روزنې تر بحث او د اندونو د تبادلې لاندې ونیول شوې او د انرژي زونونو له آمرینو سره اړین معلومات شریک شول.
د یادې ښوونیزې برنامې د پای ته رسېدو په وخت کې د وزارت مقام د دفتر عمومي رئيس او د انرژي معینیت وارسي کوونکی ښاغلي قاري محمد عبدالعزیز عزیز د یادو زونونو آمرین او کارمندان د رښتینې خدمتونو وړاندې کولو ته وهڅول او د تخنیکي وسایلو پر ساتنې باندې یې ټینکار وکړ.
د یادولو وړ ده چې د برنامې په پای کې د هر زون آمر ته، ستاینلیک ورکړل شو او تخنیکي وسایل هم ورته وسپارل شول.
