د انرژي معینیت اونیزه اداري او تخنیکي ناسته ترسره شوه
دغه ناسته د اوبو او انرژي وزارت د انرژي معین محترم مولوي حمدالله زاهد تر رهبري لاندې د دغه معینیت د رئيسانو، سلاکارانو او یو شمېر تخنیکي مسؤلینو په شتون کې ترسره شوه.
په دغه ناسته کې، د بېلابېلو اداري او تخنیکي موضوعاتو د چارو د انسجام او چټکتیا، په انرژي سکتور کې د غوره چوپړونو د وړاندې کولو او د انرژي د پراختیايي پروژو د پلي کولو په برخه کې د دغه معینیت د برنامو د لا غوره پلي کولو په هکله بحث او د اندونو تبادله وشوه.
د ناستې په بهیر کې په بشپړه او هر اړخیزه توګه د پورتنیو موضوعاتو په هکله بحث وشو او وروسته، د انرژي محترم معین اړوندو مسؤلینو ته د چارو د لا غوره ترسره کولو په موخه اړینې سپارښتنې او لارښوونې وکړې.
