د انرژي معینیت اونیزه ناسته ترسره شوه
دا ناسته د اوبو او انرژي وزارت د انرژي معین ښاغلي مولوي عارف الله عارف تر مشري لاندې د انرژي سکتور د ټولو رئیسانو په ګډون ترسره شوه.
په یاده ناسته کې، د تېري ناستې د اجراآتو پرېکړې تر څېړنې لاندې ونیول شوې او اړونده رئيسانو د خپلو کړنو راپور د انرژي معین حضورته وړاندې کړل.
همدارنګه د ناستې په دوام کې د غزني څخه کندهار ته د ۲۲۰ میګاواټه برېښنا د مزي پروژې د لېږد، د کاري اصولو د کړنلارې د وروستي کیدو او د میدان وردګ ولایت په جغتو ولسوالي کې د برېښنا بند کوچنۍ پروژې په هکله بحث او د نظر تبادله شوه.
د اوبو او انرژي وزارت د انرژي معین ښاغلي مولوی عارف الله عارف د یادو موضوعاتو تر هر اړخیزې څېړنې وروسته اړونده رئيسانو ته لازم هدایات ورکړل.
