د انرژي معینیت په اونیزه اداري او تخنیکي ناسته کې د دغه معینیت اړوند څو موضوعاتو په هکله بحث ترسره شو
دغه ناسته د انرژي معین محترم مولوي حمدالله زاهد تر رهبري لاندې د رئيسانو، سلاکارانو او د دغه معینیت د یو شمېر تخنیکي مسؤلینو په شتون کې ترسره شوه.
په دغه ناسته کې، د څو اداري او تخنیکي موضوعاتو لکه: د هېواد د برېښنا د شته سیسټم د بدلون، د پانګونې د جذب په موخه د انرژي پروژو د لومړیتوبونو، د انرژي د پنځه کلن پراختیایي پلان د پلي کولو د چټکتیا په موخه د مناسبو لارو چارو رامنځته کول، د ریاستونو د سلو ورځو د اجراآتو او فعالیتونو د ارزونې او په چارو کې د لا زیاتو همغږیو د رامنځته کولو په هکله بحث او د اندونو تبادله وشوه.
د ناستې په بهیر کې، رئيسانو او تخنیکي مسؤلینو د نوموړو موضوعاتو په هکله خپل معلومات او اندونه وړاندې کړل او وروسته د انرژي د محترم معین له لوري د هغوی د لا غوره ترسره کولو په موخه اړین تصمیمونه ونیول شول.
