د انرژي ملي پالیسي د ترتیبولو په موخه دهمغږي دوهمه ناسته ترسره شوه
یاده ناسته د اوبو او انرژي وزارت د پالیسیو رئيس ښاغلي ډاکټر فتح الله عمر خالد تر مشري لاندې د کانونو او پټرولیم، صنعت او سوداګري، کلیو پراختیا او د کور او ښار جوړولو وزارتونو د استازو په ګډون د اوبو او انرژي وزارت د انرژي معینیت د غونډو په تالار کې ترسره شوه.
په دې ناسته کې د انرژي په برخه کې د هېواد پر ځان بسیاینې په موخه د کره پلان جوړولو ، د داخلي برېښنا د برابرولو لپاره له طبیعی زېرمو څخه د ګټې اخیستنې، له طبیعي زېرمو څخه د ګازو او نفتو د کورنیو عایداتو تولید ، د هېواد لرې پرتو سیمو ته د انرژي د لېږد ، د برېښنا انرژي د وارداتو د کموالي لپاره د نوي کېدو وړ انرژي پراختیا او د انرژي نورو اړوندو موضوعاتو په هکله بحث او د اندونو تبادله ترسره شوه.
د یادولو وړ ده، چې د انرژي ملي پالیسي د اوبو او انرژي وزارت تر رهبري لاندې د سکتوري وزارتونو او ادارو په همغږي سره چمتو کېږي چې په راتلونکي کې به د ملي او نړیوالو خصوصي سکتورونو په همغږي سره پلي شي.
