د انرژۍ سکتور د ښه کولو لپاره درې اړخیز پروتوکول؛ د افغانستان، ترکمنستان او چالیک شرکت ترمنځ لاسلیک شو

د افغانستان برېښنا شرکت، ترکمنستان هېواد او چالیک ترکي کمپنۍ د پلاويو ترمنځ څلور ورځني مذاکرات نن پنجشنبه په بریالیتوب سره پای ته ورسېدل.

د افغانستان برېښنا شرکت عمومي اجرائیوي رئیس حافط محمد امین د افغانستان د اوبو او انرژي د سرپرست وزیر  ښاغلی ملا عبداللطیف منصور په حضور کې، د ترکمن انرګو شرکت سره د ۱۱۰ څخه ۲۲۰ کیلوولټ ته د نورالجهاد سب سټیشن د پراختیا تړون لاسلیک کړ. 

په پیل کې د افغانستان برېښنا شرکت عمومي اجرائیوي رئیس حافظ محمد امین د ترکمنستان هېواد او چالیک ترکي کمپنۍ له استازو مننه وکړه چې افغانستان ته راغلل او د یو لړ مهمو پروژو په اړه یې د برېښنا شرکت له تخنیکي ټیمونو سره دوامداره بحثونه ترسره کړل.

دغه راز ورپسې د اوبو او انرژي سرپرست وزیر ښاغلي ملا عبداللطیف منصور له ترکمنستان هېواد او چالیک ترکي کمپني راغلي پلاوي مننه وکړه او زیاته یې کړه چې یاد هېواد تل له افغانستان سره ښه نیت ښودلی دی او په ډېره ښه پالیسي سره مخې ته ځي. نوموړي په راتلونکي کې هم د دواړو هېوادونو ترمنځ د دوامداره اړیکو هېله څرګنده کړه او په افغانستان کې یې د ترکمنستان له لورې د لا زیاتو اقتصادي پروژو د پلي کولو غوښتنه وکړه.

ورپسې د افغانستان او پاکستان لپاره د ترکمنستان د نړیوالو پروژو رئیس مراد آرتیکوف د برېښنا شرکت له مېلمه پالنې مننه وکړه او د تېرو څلورو ورځو په لړ کې یې د درې واړو ترمنځ مذاکرات مؤثر وبلل.

سپس، محترم مراد آرتیکوف رئیس پروژه های بین المللی ترکمنستان برای افغانستان و پاکستان از مهمان‌ نوازی شرکت برشنا تشکر نموده و  مذاکرات میان سه طرف در جریان چهار روز گذشته را  موثر خواند.

همدارنګه د TAP ( ترکمنستان څخه د افغانستان له لارې پاکستان) ته د۵۰۰ کیلوولټ برېښنا لیږدونکي مزي پروژې په اړه بحث او هر اړخیزې خبرې وشي.

هم‌چنان پیرامون پروژه انتقال 500 کیلو ولت انرژی برق ترکمنستان از راه افغانستان به پاکستان نیز بحث همه جانبه صورت گرفت.

دغه راز د افغانستان برېښنا شرکت د رهبري او اوبو انرژي سرپرست وزیر له لورې ټینګار وشو چې د شبرغان – دشت الوان ۵۰۰ کیلوولت مزي کار باید ژر تر ژره بشپړ شي ترڅو وکولای شو چې له ترکمنستان هېواد څخه کابل او نورو ولایتونو ته ډاډه برېښنا ولېږدوو.

د یادونې وړ ده چې د درې واړو لورو ترمنځ دغه مذاکرات د روانې اونۍ د دوشنبې په ورځ پیل شول او نن پنجشنبه د نورالجهاد سب‌ سټېشن د پراختیا تړون په لاسلیکولو سره پای ته ورسېدل.