د اوبو او انرژي سرپرست وزير د غور له والي سره وکتل
د اوبو او انرژي سرپرست وزير محترم ملا عبداللطيف منصور د خپل کار په دفتر کې د غور له والي محترم ملا احمدشاه دين دوست سره وکتل او په هغه ولايت کې د اوبو او انرژي پروژو په هکله يې خبرې اترې وکړې.
په ياده کتنه کې د غور والي د هغه ولايت د خلکو د اوبو د کموالي او برېښنا انرژي ته د نه لاسرسي ستونزې د اوبو او انرژي وزارت له رهبري سره شريکې کړې او په نوموړي ولايت کې يې د اوبو او انرژي پروژو د پلي کولو غوښتنه وکړه.
د اوبو او انرژي سرپرست وزير د غور والي ته ډاډ ورکړ چې د شته امکاناتو په پام کې نيولو سره به دغور ولايت د خلکوستونزو ته رسيدګي وشي.
