د اوبو او انرژي سرپرست وزیر د سمنګان له والي سره په هغه ولایت کې د اوبو او انرژي پروژو په هکله بحث او د اندونو تبادله وکړه
د اوبو او انرژي سرپرست وزیر محترم الحاج ملا عبداللطیف منصور د خپل کار په دفتر کې د سمنګان له والي محترم الحاج دا ملا محمد شعیب رسالت سره وکتل.
په دغه لیدنه کې، د سمنګان والي د اوبو او انرژي له سرپرست وزیر سره اوبو او برېښنا پروژو په برخه کې د هغه ولایت د خلکو ستونزې او اړتیاوې شریکې کړې او په هغه ولایت کې د اوبو او انرژي پراختیایي پروژو پلي کولو غوښتنه وکړه.
د اوبو او انرژي سرپرست وزیر د سمنګان والي ته ډاډ ورکړ، چې شته امکاناتو او متوازني پراختیا ته په کتو سره به د نوموړي ولایت د خلکو ستونزو هوارولو په برخه کې د دغه وزارت له لوري اړینه پاملرنه وشي. هغه زیاته کړه، چې د سمنګان ولایت د کیلي اوبو بند پروژه د دغه وزارت په بودجوي پلان کې شامله شوې او په راتلونکي کې به یې د امکاناتو په چمتو کېدو سره چارې پيل شي.
