د اوبو او انرژي سرپرست وزیر د فاریاب ولایت د دهندرې بند له سیمې څخه لیدنه وکړه
د اوبو او انرژي سرپرست وزیر محترم الحاج ملا عبداللطیف منصور او د شمال سیندیزې حوزې عمومي رئيس محترم انجنیر رفیع الله مجتبی، د شیرین تګاب سیندیزې فرعي حوزې رئيس محترم ملا محي الدین مبارز او د یاد ولایت د یو شمېر قومي مشرانو په ملتیا د دهندرې بند له سیمې څخه لیدنه وکړه.
د اوبو او انرژي سرپرست وزیر د نوموړي بند د پاتې چارو د بشپړولو په هکله د شته امکاناتو او متوازن انکشاف په پام کې نیولو سره د یاد ولایت له مسؤلینو سره بحث او د اندونو تبادله وکړه او خبریالانو ته یې په دې هکله بشپړ معلومات وړاندې کړل.
د یادونې وړ ده، چې د دهندرې بند چارې ۳-۲ سلنه بشپړې شوې دي.
