د اوبو او انرژي سرپرست وزیر د لوګر ولایت د مشرانو له یوې ډلې سره په هغه ولایت کې د برېښنا رسولو د پروژو او د آبدک بند د جوړولو په هکله خبرې وکړې
د اوبو او انرژي سرپرست وزیر محترم الحاج ملا عبداللطیف منصور د لوګر ولایت د مشرانو له یوې ډلې سره وکتل او په هغه ولایت کې یې د اوبو او انرژي د پراختیایي پروژو په هکله بحث او د اندونو تبادله وکړه.
په دغه لیدنه کې، د نوموړي ولایت مشرانو د لوګر ولایت په خوشي ولسوالي کې د برېښنا رسولو د پروژې او په هغه ولایت کې د آبدک بند د جوړولو غوښتنه وکړه.
د اوبو او انرژي سرپرست وزیر هغوی ته ډاډ ورکړ، چې شته امکاناتو ته په کتو سره به د هغوی غوښتنو ته رسیدګي وشي.
