د اوبو او انرژي وزارات سرپرست وزیر د پکتیا ولایت له مسئولینو سره لیدنه وکړه
د اوبو او انرژي وزیر ښاغلي ملا عبداللطیف منصور پکتیا ولایت ته تللی او هلته يې د پکتیا ولایت له مرستیال والي ښاغلي شیخ عزیزالرحمن منصور، د بشری سرچینو رئیس قاضی تواب جان اسلام یار، د سیندیزې حوزې رئیس مولوی محمد کریم فاتح د ولایت ویاند ملا آدم خان اوریا خیل او د یاد ولایت له یو شمېر نورو مسئولینو سره لیدنه ترسره کړه.
په یاده لیدنه کې د پکتیا ولایت مرستیال والي د اوبو او انرژي وزارت سرپرست وزیر ته د یاد ولایت له زلزله ځپلو سره د مرستې او د وروستیو باراني سیلابونو له امله د خلکو کرنیزو ځمکو ته د اوښتو تاوانونو په اړه هر اړخیز معلومات وړاندې کړل.
د اوبو او انرژي وزارت سرپرست وزیر په پکتیا ولایت کې ولس ته د وروستۍ زلزلې او د سیلابونو له امله زیانمن شویو کورنیو نوم لړ له ځانه سره واخیست او د مرستې ډاډ يې ورکړ.
