د اوبو او انرژي وزارت او د جاپان د پې ام اس موسسې ترمنځ په ننګرهار ولایت کې د اوبولګولو کانالونو د ۱۱ پروژو د حفظ او مراقبت هوکړه لیک لاسلیک شو

د اوبو او انرژي سرپرست وزیر محترم الحاج ملا عبداللطیف منصور د جاپان د پې ام اس موسسې د انجنیري له مسؤل محترم انجنیر دیدار مشتاق سره په ننګرهار ولایت کې د اوبو لګولو کانالونو د ۱۱ پروژو د حفظ او مراقبت هوکړه لیک لاسلیک کړ.

له دغه هوکړه لیک سره سم، نوموړې موسسه د یادو شوو کانالونو د حفظ او مراقبتي پروژې د 710,000   اووه لکه او لس زره ډالرو په ارزښت د درې کلونو په موده کې پلي کوي.

د یادونې وړ ده، چې نوموړي کانالونه په ټوله کې 23,775 دروېشت زره، اووه سوه پنځه اویا زره هکتاره ځمکه خړوبوي، چې 56,600 شپږ پنځوس زره او شپږ سوه کورنۍ به ورڅخه ګټه واخلي.