د اوبو او انرژي وزارت تخنیکي ټیم په پکتیا ولایت کې د ۵ کړیو کشفي څاګانو آزمایښتونه ترسره کړل
د اوبو او انرژي وزارت د اوبو سرچینو د پروژو د لابراتوار او څېړنو ریاست تخنیکي ټیم د پکتیا ولایت د ۵ کړیو کشفي څاګانو د ساحوي آزمایښتونو په تړاو هغه ولایت ته سفر کړی و.
نوموړي تخنیکي ټیم د پکتیا ولایت د اوبو او انرژي ریاست د ودانۍ د خاورو د مطالعې او د جیوتخنیک راپور د جوړولو سربېره د ۵ کړیو کشفي څاګانو د ساحوي آزمایښتونو او د نوموړي ریاست د ودانۍ د خاورو د مختلفو ژورو برخو بېلګې واخیستلې چې اوس مهال په هغو بېلګو باندې لابراتواري آزمایښتونه پیل شوي دي.
