د اوبو او انرژي وزارت دکورنۍ پلټنې رئيس د هلمند سیندیزې حوزې عمومي ریاست او د لښکر ګاه منځني هلمند فرعي سیندیزې حوزې له کارمندانو سره ناسته ترسره کړه
د اوبو او انرژي وزارت د کورنۍ پلټنې رئيس محترم مولوي عزیزالله سهار او ورسره مل پلاوي، هلمند ولایت ته د خپل سفر په ترڅ کې د هلمند سیندیزې حوزې عمومي ریاست او د لښکر ګاه منځني هلمند سیندیزې فرعي حوزې له کارمندانو سره ناسته ترسره کړه.
په دې ناسته کې محترم مولوي سهار د اسلامي نظام د ارزښت، ضرورت، د اسلامي نظام سره د مخالفت او اهانت د بدو پایلو، د مسئولیت احساس، تفتیش د اسلام له نظره، د تفتیش ارزښت او ضرورت او د کارونو له ساحو څخه د مفتیشینو د څارنې په هکله هر اړخیزه وینا وکړه.
همدارنګه، د کورنۍ پلټنې رئيس د نوموړو سیندیزو حوزو د مسؤلینو او کارمندانو سره په لیدنه کې د هغوی د ستونزو د هوارولو په هکله بحث او د اندونو تبادله وکړه او ژمنه یې وکړه، چې د هغوی ستونزې به د وزارت له رهبري سره شریکې کړي.
