د اوبو او انرژي وزارت دکورنۍ پلټنې رئيس د کنړ سیندیزې فرعي حوزې له رئيس سره وکتل
د اوبو او انرژي وزارت د کورنۍ پلټنې رئيس محترم مولوي فضل الرحمن سعید او ورسره مل پلاوي کنړ ولایت ته د خپل سفر په ترڅ کې د کنړ سیندیزې فرعي حوزې له رئيس محترم مولوي دوست محمد حنفي او د نوموړې حوزې له کارمندانو سره وکتل.
په دغه لیدنه کې، د کورنۍ پلټنې رئيس د اسلامي شریعت له نظره د پلټنې د پروسې په هکله هر اړخیزې خبرې وکړې او زیاته یې کړه، چې په ټولو چارو کې مو باید روڼتیا شتون ولري. هغه د نوموړې سیندیزې حوزې کارمندان په اسلامي نظام کې کارکولو ته وهڅول
په ورته مهال، د کنړ سیندیزې فرعي حوزې رئيس د دغه وزارت د کورنۍ پلټنې رئيس ته د دغې حوزې د کړنو، فرصتونو، وړتیاوو، ستونزو او د اوبو او انرژي په برخه کې د شته پوتنشیال په هکله بشپړ معلومات وړاندې کړل.
