د اوبو او انرژي وزارت د انرژي معین د Yellow River Engineering Consulting Co, Ltd چینایي شرکت له مسؤلینو سره وکتل
د اوبو او انرژي وزارت د انرژي معین محترم ملا عبدالقاهر ادریس د خپل کار په دفتر کې د چین هېواد د Yellow River Engineering Consulting Co, Ltd شرکت له مسؤلینو سره وکتل او د دواړو لورو ترمنځ د ګډو همکاریو په هکله بحث او د اندونو تبادله وشوه.
په یاده لیدنه کې له ګازو څخه د برېښنا د تولید پروژې د چارو د پرمخ وړلو او د یادې پروژې د عملي چارو د پیل د چټکتیا په هکله خبرې وشوې.
د انرژي محترم معین په خپلو خبرو کې له یاد شرکت سره د وزارت د همکاریو په هکله ډاډ ورکړ او د چارو د چټکتیا په موخه یې اړینې سپارښتنې او هدایات ورکړل.
د یادونې وړه ده، چې له یاد شرکت سره تر دې مخکې هم له ګازو څخه د انرژي د تولید په برخه کې د پانګونې په موخه د ګډو همکاریو تړون لاسلیک شوی دی.
