د اوبو او انرژي وزارت د اوبو معین د اف، اې، او موسسې له مسئولینو سره وکتل
د اوبو او انرژي وزارت د اوبو معین محترم مجیب الرحمن عمر آخندزاده د خپل کار په دفتر کې د اف، اې، او موسسې له مسئولینو سره وکتل او د اوبو په سکتور کې د همغږي او ګډو همکاریو د پياوړتیا په هکله یې بحث او د اندونو تبادله وکړه.
د اوبو محترم معین د اوبو سکتور خدمتونو ته په اشارې سره ټینګار وکړ، چې په دغه سکتور کې د اړوندو پروژو د پلي کولو لپاره له دغه وزارت سره د همغږي رامنځته کول اړین دی؛ ترڅو د دغه وزارت په تخنیکي همکاري سره پروژې په غوره کیفیت او سمه توګه پلي شي.
همداراز د اف، اې، او مؤسسې مسؤلینو وویل، چې د پروژو کیفیت د اف، اې، او مؤسسې په لومړیتوبونو کې دی او د اوبو مدیریت اړوند پروژو په ښه کیفیت پلي کولو ته ژمن دي.
