د اوبو او انرژي وزارت د اوبو معین د افغانستان برېښنا شرکت د نوې عمومي رئیس د پېژندنې په غونډه کې د انرژي د پراختیا او د هیواد د ځان بسیایني په برخه کې د چارواکو پر هلو ځلو باندې ټینګار و کړ.
د اوبو او انرژي وزارت د اوبو معین د افغانستان برېښنا شرکت د نوې عمومي رئیس د پېژندنې په غونډه کې د انرژي د پراختیا او د هیواد د ځان بسیایني په برخه کې د چارواکو پر هلو ځلو باندې ټینګار و کړ.
د اوبو او انرژي وزارت د اوبو معین ښاغلي انجنیر مجیب الرحمن عمر چې د افغانستان برېښنا شرکت عمومي رئیس ښاغلي ملا محمد عیسی آخوند د پيژندنې په ناسته کې خبرې کولي، ټول چارواکي او کارکوونکي یې د برېښنا انرژي د پراختیا په برخه کې لا زیاتو هلو ځلو ته وهڅول.
په دغه ناسته کې ښاغلي عمر د هیواد د ځان بسیایني لپاره هڅه یو دیني او ملي وجیبه وګڼله او یادونه یې و کړه، چې په هیواد کې د امنیت په ټینګیدو سره اوس د دې وخت را رسیدلی دی چې ټول د هیواد د اقتصاد د ودې او ځان بسیایني لپاره کوښښ و کړو.
همدارنګه د اوبو او انرژي وزارت د اوبو معین په خپلو خبرو کې د هیواد د صنعت او اقتصاد په وده کې د انرژي اهمیت ته اشاره وکړه او یادونه یې وکړه، چې اوسمهال افغانستان د برېښنا انرژي د ځان بسیایني په لور روان دی او مونږ هڅه کوو چې په هیواد کې د انرژي د تولید د زمینې په برابرولو سره د ځآن بسیایني لاره ګړندۍ کړو.
د یادولو وړ ده، چې دا ناسته د افغانستان برېښنا شرکت د نوې عمومي رئیس د پيژندې لپاره جوړه شوي وه او په دغه ناسته کې ښاغلی ملا محمد عیسی آخوند د عالیقدر امیرالمؤمنین حفظه الله د حکم په اساس د افغانستان برېښنا شرکت د عمومي رئيس په توګه ټاکل شوی دی و همکارانو ته وپېژندل شو.
