د اوبو او انرژي وزارت د اوبو معین د ملګري ملتونو اړوند یونپس(UNAPS ) موسسې له استازي سره د ګډې همکاري د رامنځته کولو په موخه د همغږي ناسته ترسره کړه
د اوبو او انرژي وزارت د اوبو معین ښاغلي مجیب الرحمن عمر آخند زاده د خپل کار په دفتر کې د اوبو معینیت اړوند رئیسانو په شتون کې د ملګري ملتونو اړوند د یونپس موسسې له استازي ښاغلي احمد شاه همت سره د ګډې همکاري د رامنځته کولو په موخه د همغږي ناسته ترسره کړه.
په یاده ناسته کې، د یونپس استازي ښاغلي همت وویل چې:" مونږ غواړو د کابل ښار په ګډون د افغانستان په اوو لویو ښارونو کې د اوبو د مدیریت په برخه کې پراختیايي پروژې پلي کړو.
په ورته مهال، د اوبو معین د نوموړي موسسې د استازي له همکاري څخه د اوبو د مدیریت په برخه کې مننه وکړه او د اوبو معینیت له خوا د یادې موسسې استازي ته ۳۲ پروژې د سروې او پلي کولو په موخه وړاندیز شوي، چې د یونپس موسسې استازي د یادو پروژو د عملي کولو ډاډ ورکړ.
د ناستي په پای کې دواړو لورو د ګډې همکاري په رامنځته کولو باندې ټینګار وکړ.
