د اوبو او انرژي وزارت د اوبو معین ښاغلي انجنیر مجیب الرحمن عمر آخندزاده د میدان وردګو ولایت د تنګي درې د نور کلي له یو شمېر عالمانو او قومي مشرانو سره وکتل.
په یاده لیدنه کې، د میدان وردګو ولایت د سید آباد ولسوالی د تنګي درې مشرانو خپلې هغه ستونزې چې په دې وروستیو کې د سیلابونو له امله د سید آباد ولسوالي د تنګي درې خلکو ته اړولې ده د اوبو له معین سره شریکي کړلي، د خلکو لاسرسی صحي اوبو ته ستونزمن شوی او سیلبرونه ویجاړ شوي دي.
یادو مشرانو د اوبو له معین څخه و غوښتل چې دا سیلبرونه ترمیم او بیاورغول شي، ترڅو په راتلونکي کې د خطرونو څخه مخنیوی وشي. هغوی د کوچنيو بندونو د جوړولو د وړاندیز ترڅنګ د برېښنا ستنو د نصبولو غوښتنه هم وکړه، ترڅو د تنګي درې د نور کلي خلک له برېښنا څخه برخمن شي.
په ورته وخت کې، د اوبو معین هغوی ته ډاډ ورکړ او زیاته یې کړه چې په دې تړاو له موسسو سره اړیکه نیسي او د سید آباد ولسولي د خلکو ستونزو ته به رسیدګي وشي.
