د اوبو او انرژي وزارت د رهبري غونډه د ځینو اداري او تخنیکي مسایلو د څېړنې په موخه ترسره شوه
یاده غونډه د اوبو او انرژي وزارت د سرپرست وزیر ښاغلی ملا عبداللطیف منصور، د انرژي معین ښاغلي ملا محمد عېسی ثاني ، د اوبو معین ښاغلي انجنیر مجیب الرحمن عمر آخندزاده او د عمومې رئیسانو په شتون کې ترسره شوه.
په یاده غونډه کې د دې وزارت د دوو پروژو مالي مسایلو د څېړلو ، د سروې او ډېزاین ریاست د څلور قلمه د نه استعمال وړ اجناسو، د بندونو د موډلینګ کولو د وسایلو څېړل او د اوبو څېړنیزو لابراتوارونو په فعالولو باندې بحث او د نظر تباله وشوه.
د دې غونډې په ترځ کې اړوند مسئولینو د یادو موضوعاتو په اړه د اړتیا وړ معلومات د اوبو او انرژي وزارت محترم مقام سره شریک کړل. د اوبو او انرژي وزارت سرپرست وزیر اړوند مسئولینو ته د اړتیا وړ لارښوونې وکړې او یادو مسئولینو ته یې دنده وسپارله، تر څو د دې موضوعاتو بېلابېل اړخونه وڅېړې او خپل وروستی راپور د وزارت رهبري مقام ته وسپاري.
