د اوبو او انرژي وزارت د رهبري ناسته ترسره شوه
دغه ناسته د اوبو او انرژي د سرپرست وزیر محترم الحاج ملا عبداللطیف منصور تر رهبري لاندې د دغه وزارت د انرژي معین محترم مولوي حمدالله زاهد، د اوبو معین محترم مجیب الرحمن عمر آخندزاده، عمومي رئیسانو او سلاکارانو په ګډون ترسره شوه.
په دغه ناسته کې د بېلابېلو اداري موضوعاتو لکه: د اوبو او انرژي سکتورونو د چارو د پرمخ وړلو لپاره د اړتیاوو د څېړلو، د ستونزو او ننګونو د پېژندنې او د ستونزو د هوارولو په موخه د اړینو حل لارو رامنځته کولو په هکله بحث او د اندونو تبادله وشوه.
د ناستې په بهیر کې، اړوندو رئيسانو د مطرح شوو موضوعاتو په هکله معلومات وړاندې کړل او د هغوی په اړه تر بحث او څېړلو وروسته، د وزیر صاحب له لوري اړوندو مسؤلینو ته اړینې سپارښتنې وشوې او همدارنګه د چارو د لا غوره ترسره کولو په موخه اړین تصمیمونه ونیول شول.
