د اوبو او انرژي وزارت د سروې انجنیرانو د هرات له والي سره وکتل
د اوبو او انرژي وزارت د انرژي معینیت د سروې انجنیرانو چې د انرژي پروژو د سروې په موخه هرات ولایت ته سفر کړی، د هریرود- مرغاب سیندیزې حوزې عمومي رئيس محترم مولوي سید عبدالسلام مستوفي آغا په شتون کې د هرات له والي محترم مولانا نوراحمد اسلام جار سره وکتل.
په دغه لیدنه کې، د دغه وزارت د انرژي معینیت د سروې انجنیرانو د خپل سفر د موخې په هکله د هرات والي ته توضیحات ورکړل او په دې برخه کې د همکاري غوښتنه وکړه.
په ورته مهال، د هرات والي د نوموړي معینیت د سروې انجنیرانو ته د همکاري ډاډ ورکړ.
