د اوبو او انرژي وزارت د مقام سلاکار په کنړ ولایت کې د انرژي د تولید لپاره د یو شمیر موقعیتونو څخه لیدنه وکړه
د اوبو او انرژي وزارت د مقام سلاکار محترم ډاکټر فاروق اعظم او ورسره مل د کنړ سیندیزې فرعي حوزې رئیس الحاج ملا دوست محمد حنفي او د یاد ریاست تخنیکي ټیم د کنړ سیند او ددغه سیند د مرستیالانو، د پیچ او شرقي نورستان لنډي سیندونو په مسیر کې د هایدرولوژي استیشنونو، د کنړ ولایت د مرورې، شیګل، اسمار، غازي آباد، ناړۍ، وټه پور، ماڼوګي او د نورستان ولایت په کامدیش ولسوالي کې د انرژي د تولید لپاره موقعیتونه له نږي ولیدل.
همدارنګه یې د نوموړو ولسوالیو له مسئولینو او ولسي وګړو سره په لیدنه کې ددوی ستونزې او وړاندیزونه واورېدل او ژمنه یې وکړه چې د انرژي د تولید، د کرنې سکتور د پراختیا او نورو بنسټیزو پروژو د پلي کولو په برخه کې به ددوی غوښتنې د اسلامي امارت تر مشرانو ورسوي.
